媽媽喺大學畢業嗰年第一次坐飛機，而雪雪喺媽媽個肚裡時已經坐過兩次飛機啦，一次去新加坡，另一次去台北。後來媽媽知道懷有妳後，便沒有再坐飛機了。屈指一算，今次係媽媽第五次去悉尼。第一次係同你個爸爸小輝去，因為參加鴨仔團，只能匆匆忙忙在悉尼停留了兩日一夜，所以印象模糊，較為印象深刻的就是「爬」悉尼大橋 (唔，應該用行嚟形容可能恰當點) 。悉尼橋 (Harbour Bridge) 位於悉尼港 (Sydney Harbour)，外觀宏偉，你可選擇早上、晚間或日夜交界(佢地叫twilight hours) 時爬橋，日夜交界時段票價最貴，因為你可在同一個旅程中欣賞到悉尼的日與夜，還可看到美麗的日落。爸爸媽媽上次參加了晚間時段，如果下次再爬，我一定會揀twilight hours。爬橋前我們要換上整套裝備，包括連身衣、安全帽(帽上有電筒，方便夜間照明) 、鞋等，爬橋時要用鈎扣在欄杆上，腳下會看到熙來攘往的車輛，兩旁就是漂亮的悉尼港，當然我還是覺得香港的夜景更勝一籌。其實香港都有絛青馬橋，唔知香港政府曾否想過仿傚悉尼橋的做法呢？
好啦，媽媽有點睏了(可能太早起來) ，要去小睡一刻，還有兩個半小時我就抵達悉尼，媽媽好想家呀！
悉尼橋 (Harbour Bridge)
悉尼歌劇院 (Opera House)
No comments:
Post a Comment