閱讀

為了給雪雪多一些感官上的刺激，我們有和她一起看書的習慣。佢嘅第一本書是某大奶粉牌子送的Disney Bath Book，每頁只有單字加上顏色鮮明的插圖及迪士尼人物，一開始時，雪雪表現好專注，眼定定在看，每當見到某版個Winnie the Pooh公仔時，便特別興奮，可能因為我們全屋有很多Winnie the Pooh公仔，所以佢覺得非常熟悉。久而久之，單看一本書可能有點悶了，雪雪興趣不大如前，媽媽便多買了兩本小書，其中一本封面有朵玫瑰花，一按就會響，不過雪雪似乎唔多欣賞。

最近媽媽到悉尼出差，回香港之前有半日自由時間，便在市中心逛逛。途經Borders嘅特價書店，便走進去尋尋寶，結果買了兩本Baby Einstein嘅書，一大一小。兩本書都比之前的書多字，而顏色就非常和諧，大個本書還可讓BB摸吓不同的物料，如梳化的布、小狗的毛、地毯的絨等。回家給雪雪看，她對大個本書反應明顯好啲，而且我們發覺佢鍾意睇字多過睇圖，但手仍是定定的。最近一個星期，她對書的反應明顯多了，除了好似大人睇書一樣，睇完一邊再睇第二邊，她還要自己攞住本書，一本正經在看，而佢仍然係鍾意睇字多啲，真係令人意想不到。相比我們小時候，現在大部分的新一代都只喜歡看圖多字少的漫畫書及沉迷電子遊戲，因此令寫作及表達能力大幅下降，希望雪雪能夠一直維持這個喜歡看字的習慣啦 :)


自己攞住本書睇，重要邊睇邊做sit-up

睇書睇到打側坐

雪雪睇嘅第一本書

喜愛的Winnie the Pooh