大大話話雪雪唔喜歡食奶已經超過兩個月，每次見到奶樽不是一掌推開，便是拉鏈咀(亦即雙唇緊緊閉起)以示罷喝的決心。媽媽曾試盡各種方法，唯求令雪雪回心轉意，耐何小豆丁像她媽媽一樣都是硬頸一族，唔食就係唔食，最勁一次一天只吃了兩餐，差點以為她年紀少少就已懂得節食減肥。
其實雪雪出世後頭幾個月都非常喜歡吃奶，每次見到奶樽時都會拗腰向上(正如我們做sit-up一樣)撲向奶咀。就算是閉起眼睛，她的小咀也能定位追蹤，非常準確地撲向並咬實獵物，因此我們給她起了一個別號──小鱷魚。記得有一次爸爸小輝整蠱她，將奶樽左搖右擺，雪雪的頭也轉來轉去跟著奶咀跑，爸爸小輝一直在笑個不停，而媽媽小洳就操刀將整個過程攝錄下來。現在回想起來，天哪，好一對父母，竟然整蠱自己的女兒，難怪小豆丁現在反過來整蠱我們了。話雖如此，我仍然希望雪雪的厭奶期早日渡過，重拾小鱷魚本色。各方好友如有良方，請轉告小洳啦，自當感激不盡！
我的名字好特別，不但少人「姓」，連個名都好不平凡。「洳河」是流經山東的一條河流，父親大人為了感謝母親帶我來到這個世界，而母親原籍山東，因此以洳為我命名。父親大人真的好有心思，而我亦希望給女兒送上一份有心思的禮物 ── 雪雪，這個blog是為妳而設的！
3 comments:
希望雪雪已經無厭奶。
小小分享：
我當年的做法係：不停嘗試餵她。總會有一兩次佢肯飲，一安又好，兩安又好。當然每次要開一枝新奶，係就係唔環保，但好過天熱有細菌。
結果發現每日飲的份量都隱定，正常期每天三至四次，共三十五至三十八安士。厭奶期每天七八次，共二十一至二十三安士。捱了一兩個月。
如果雪雪肯喝水便不用擔心缺水問題（留意小便份量），我個B當年不肯喝水，所以很擔心。
多謝妳呀! 雪雪也是連水都不肯飲，現在唯有要睡覺時才給她喝，一天大約喝廿三至廿五安，比上個月飲二十安已經有進步 。問過幾個醫生都話有啲B係唔鍾意食奶，都無乜辦法，最重要佢成長線OK就得嘞。現在等佢大個少少就可以試吓食糊仔，希望佢鍾意啦，而家佢睇住我地食嘢時個咀成日都「妹吓妹吓」，好似好想食埋一份:)
係啦，厭奶期應該好快過，我記得我當年仲出過一招叫「開電視」，等佢唔喊，開始飲就熄番。唉，因為我個B真係厭左好耐。雖然growth chart上一直維持住係75-90 percentile，但好怕佢缺水（當年PW話：缺水咪入院吊鹽水囉。好想打佢）。半睡半醒餵又只work左一個月。因為家族有過敏傾向，我到佢六個月先敢introduce solid food（後來聽人講話等到九個月仲好？？？）
不過呢D只係做媽咪的緊張，其實BB好快就大個，D麻煩野直情好似無發生過。
Post a Comment